Орталықтың міндеттері мен функциялары

Орталықтың міндеттері мен функциялары

Мемлекеттік-құқықтық пәндер Ғылыми-білім беру Орталығы (бұдан әрі - Орталық) «7М042-Құқық» бағыты бойынша «7М04201 - Сот және сот төрелігі» білім беру бағдарламасы аясында кадрларды дайындауды, сондай-ақ оқу-әдістемелік, ғылыми-зерттеу және тәрбие жұмысына басшылық ететін Қазақстан Республикасының Жоғарғы Соты жанындағы Сот төрелігі академиясының (бұдан әрі - Академия) оқу-ғылыми құрылымдық бөлімшесі болып табылады.   

Орталық Академияның құрылымын қайта құру нәтижесінде конституциялық және әкімшілік құқық,  әлеуметтік-гуманитарлық пәндер кафедралары, сондай-ақ әкімшілік және қылмыстық сот төрелігі мәселелерін зерттеу ғылыми орталығының негізінде пайда болған.  

Орталықтың міндеттері мен функциялары

Орталық келесідей негізгі міндеттерді іске асырады:

- терең кәсіби білімдері, тәжірибелік дағдылары бар жоғары мәдениетті білікті мамандарды дайындау;

- конституциялық және әкімшілік заңнамасын, әкімшілік құқық бұзушылық туралы істерді қарау бойынша сот тәжірибесін жетілдіру, сондай-ақ судьялар мен сот жүйесі қызметкерлерінің жеке құзыреттіліктерін дамыту бойынша ғылыми зерттеулер, сарапшылық-талдаушылық жұмыстар жүргізу мен ұйымдастыру; 

- мемлекеттік-құқықтық циклдегі оқу, оқу-әдістемелік және ғылыми бағыт бойынша сот, мемлекеттік және мемлекеттік емес (қазақстандық және халықаралық) ұйымдармен өзара іс қимылды қамтамасыз ету.

Орталық қойылған міндеттерге сәйкес келесідей функцияларды іске асырады:

1. орталықтың пәндері бойынша оқу процесін ұйымдастыру;
2. жалпы және арнайы курстар бойынша сот жүйесінің нақты қажеттіліктеріне бейімделген оқу жұмыс жоспарын, оқу бағдарламасын, элективті пәндер каталогын әзірлеу;
3. лекциялар, тәжірибелік, семинарлық сабақтарды жоғары ғылыми, әдістемелік және ұйымдастырушылық деңгейде өткізу;
4. магистранттармен бірге жеке оқу траекторияларын қалыптастыру, элективті пәндерді презентациялау;
5. ағымдағы және қорытынды емтихандарды, магистрлік жобаларды қорғауды өткізу;
6. оқу процесіне жаңа оқыту технологияларын енгізу мен әзірлеу және Орталықтың профилдік пәндері бойынша ақпараттық техникалық құралдарды оқу сабақтарын өткізу кезінде пайдалану бойынша іс шаралар өткізу;
7. магистранттардың тәжірибесіне, магистрлік жобаларына, сондай-ақ өздік жұмысына басшылық ету;
8. Орталықтың профилі бойынша магистранттардың үлгеріміне және мамандар дайындау сапасына үнемі талдау жасау;
9. Орталықтың профессор-оқытушы құрамының жеке жұмыс жоспарларын қарастыру;
10. Академия басшылығының тапсырмалары бойынша басқа орталықтардың іске асыратын оқу бағдарламалары бойынша қорытындылар дайындау;
11. жоғары білімнен кейінгі және қосымша білім беру бағдарламаларын қамтамасыз ету үшін оқу-әдістемелік базаны, Орталықтың лекциялық қорын қалыптастыру;
12. Орталықтың профессор-оқытушы құрамының мәлеметтер банкісін қалыптастыру;
13. оқулықтар, оқу, оқу-әдістемелік құралдар дайындау, сондай-ақ оқулықтар, оқу құралдары мен өзге де оқу-әдістемелік әдебиеттерге қорытындылар құрастыру;
14. үздік оқытушылардың жұмыс тәжірибесін зерттеу, жалпылау мен тарату;
15. Академиялық бағдарламалар мен жобалар Орталығының ұйымдастыратын қосымша білім беру қызметіне қатысу;
16. белгілі қоғам, мемлекет қайраткерлері, ғалым, тәжірибе қызметкерлерімен кездесулер, қонақтық лекциялар ұйымдастыру;
17. сот тәжірибесін жетілдіру сұрақтары бойынша ғылыми-зерттеу жұмысының (бұдан әрі - ҒЗЖ) тақырыптарын қалыптастыру, зерттеудің мақсаты, міндеттері мен нәтижелерін анықтау;
18. ғылыми және инновациялық процестерді интеграциялау, ғылыми қызметтің нәтижелерін сот жүйесіне кадрлар дайындауда, судьялар мен сот жүйесі қызметкерлерінің біліктілігін арттыруда пайдалану, білім алушыларды Орталықтың ғылыми жұмысына тарту;
19. магистранттардың ғылыми-зерттеу жұмысына басшылық ету;
20. ғылыми өнімдер бойынша қорытындылар мен рецензиялар әзірлеу, сондай-ақ аяқталған ғылыми еңбектерді баспаға шығару үшін ұсыныстар дайындау;
21. ғылыми конференциялар, семинарлар, симпозиумдар, дөңгелек үстердерге қатысу мен ұйымдастыру;
22. конституциялық және әкімшілік заңнамасын қолдану саласында, сондай-ақ судьялар мен сот жүйесі қызметкерлерінің жеке құзыреттіліктерін дамыту бойынша ғылыми-тәжірибелік мәселелерді анықтау, талдау мен жүйелеу;
23. конституциялық және әкімшілік заңнамасын соттармен қолдану саласындағы, сондай-ақ судьялар мен сот жүйесі қызметкерлерінің жеке құзыреттіліктерін дамыту бойынша жетекші шетел тәжірибесінің ғылыми зерттеулерін жалпылау мен талдау;
24. конституциялық және әкімшілік заңнамасын соттармен қолдану саласындағы, сондай-ақ судьялар мен сот жүйесі қызметкерлерінің жеке құзыреттіліктерін дамыту бойынша ғылыми бағдарламалар мен жобаларды әзірлеу мен іске асыру бойынша отандық және шетел ғылыми-зерттеу және білім беру ұйымдарымен ынтымақтастық орнату;
25. ғылыми нәтижелерді (мақалалар, монография, оқу құралы және т.б.) басып шығару жолымен конституциялық және әкімшілік заңнамасын соттармен қолдану саласындағы, сондай-ақ судьялар мен сот жүйесі қызметкерлерінің жеке құзыреттіліктерін дамыту бойынша Академияның ҒЗЖ ұйымдастыру мен жоспарлау;
26. ҒЗЖ нәтижелерін жалпылау, Академиядағы ҒЗЖ жүру барысын мезгіл-мезгілмен талқылау;
27. конституциялық және әкімшілік заңнамасын соттармен қолдану саласындағы, сондай-ақ судьялар мен сот жүйесі қызметкерлерінің жеке құзыреттіліктерін дамыту бойынша зерттеуде ҒЗЖ орындаушылары мен тапсырыс берушілеріне ақпараттық және консультативтік қызмет көрсету;
28. Орталықтың профессор-оқытушы құрамының біліктілігін арттыру, кәсіби құзыреттілікті дамыту бойынша жұмысты ұйымдастыру (тағылымдамалар, семинарлар, тренингтер мен өзге де шараларға қатысу).